شمالی اسرائیل میں ایک فوجی اڈے سے چوری ہونے والا ٹینک کباڑ خانے سے برآمد ہوا ہے۔

غیر ملکی خبر رساں ادارے کی خبر کے مطابق اسرائیلی وزارت دفاع نے اسرائیل کے شمال میں ایلیاکیم انٹرچینج کے قریب ایک فوجی تربیتی اڈے سے ایک ٹینک کی چوری کی اطلاع دی تھی۔

بعد ازاں یہ ٹینک ساحلی شہر حیفا سے 20 کلومیٹر جنوب میں ایک کباڑ خانے میں پایا گیا۔

پولیس کی جانب سے جاری بیان میں کہا گیا ہے کہ معاملے کے حالات کی ابتدائی تحقیقات سے یہ شبہ ظاہر کیا جا رہا ہے کہ ٹینک فعال نہیں تھا اور اس کی وجوہات کی بنا پر اسے جائے وقوعہ سے چوری کر لیا گیا تھا جس کی اس مرحلے پر تحقیقات کی جا رہی ہیں۔’

پولیس بیان میں کہا گیا ہے کہ چوری شدہ ٹینک کا پتہ لگانے کے بعد وزارت دفاع کو ایک نوٹیفکیشن بھیجا گیا تھا اور پولیس نے وزارت دفاع کے ساتھ مشترکہ تحقیقات کا آغاز کیا تھا۔

ایک فوجی بیان میں کہا گیا ہے کہ یہ ٹینک صرف مرکاوا ایم کے دوم کا چیسی تھا جسے کئی سال قبل غیر فعال کر دیا گیا تھا۔

فوجی حکام کے مطابق اس ٹینک میں اسلحہ اور گولہ بارود نہیں تھا اور اس کا نظام کام نہیں کرتا ہے۔ ٹینک کو فائرنگ کے علاقے میں تعینات کیا گیا تھا، جو کسی بھی راہ گیر کے لئے کھلا ہے، اور فوجیوں کی مشقوں کے لئے ایک کھڑی گاڑی کے طور پر استعمال کیا جاتا تھا۔.

بیان میں کہا گیا ہے کہ ٹینک کو “سیکیورٹی سسٹم میں واپس کر دیا گیا ہے،

واقعے کی تحقیقات جاری ہیں اور کمانڈ انویسٹی گیشن بھی کی جائے گی۔

مقامی میڈیا کے مطابق چوری کے الزام میں دو مشتبہ افراد کو گرفتار کیا گیا ہے۔

واضح رہے کہ گزشتہ فروری میں فوج کے دو تجربہ کار فوجیوں نے گولان کی پہاڑیوں سے ایک ٹینک چرا لیا تھا تاکہ ملک کی عدلیہ میں اصلاحات کے حکومتی منصوبوں کے خلاف احتجاج کیا جا سکے۔

اسرائیل حالیہ مہینوں میں عدالتی اصلاحات متعارف کرانے کے حکومتی منصوبے پر سیاسی ہلچل کا شکار رہا ہے جسے حزب اختلاف ایگزیکٹو اتھارٹی کے حق میں اقتدار حاصل کرنے کے طور پر دیکھ رہی ہے۔

تاہم اسرائیلی وزیر اعظم بینجمن نیتن یاہو کا اصرار ہے کہ اس اصلاحات سے جمہوریت میں اضافہ ہوگا اور حکومت کی قانون ساز، ایگزیکٹو اور عدالتی شاخوں کے درمیان توازن بحال ہوگا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں