فلپائن کے جنوبی علاقے میں 6.7 شدت کے طاقتور زلزلے سے زمین لرز اٹھی۔

عرب میڈیا کے مطابق فلپائن کے جنوبی علاقے میں 6.7 شدت کے زلزلے کے جھٹکے محسوس کیے گئے. لوگ خوف زدہ ہو کرعمارتوں سے باہر نکل آئے جبکہ ایک شاپنگ مال کی چھت کا کچھ حصہ گر گیا۔

یو ایس جی ایس نے ایک بیان میں کہا کہ زلزلے کے جھٹکے جنوبی جزیرے منڈاناؤ کے صوبہ سارنگانی میں مقامی وقت کے مطابق 78 کلومیٹر کی گہرائی میں محسوس کیے گئے۔

فوری طور پر کسی جانی نقصان کی اطلاع نہیں ملی تاہم زلزلے کے جھٹکے پہاڑی جزیرے کے وسیع علاقے میں محسوس کیے گئے۔

زلزلے کے مرکز سے تقریبا 200 کلومیٹر کے فاصلے پر واقع داواؤ سٹی سے 27 سالہ کیشیا لیران نے خبر رساں ادارے کو بتایا کہ میرے خیال میں یہ اب تک کا سب سے شدید زلزلہ تھا۔

غیر ملکی خبر رساں ادارے نے تصدیق کی ہے کہ جنرل سانتوس سٹی میں ایک شاپنگ مال کے اندر چھت گر گئی ہے جو زلزلے کے مرکز سے 100 کلومیٹر سے بھی کم فاصلے پر ہے۔

ہنگامی طبی خدمات کے کارکن ایڈرین امبونگ نے بتایا کہ زلزلے کے بعد خوف و ہراس کی وجہ سے شہر کے ایک ہائی اسکول کے تقریبا 30 طالب علموں کو سانس لینے میں دشواری کی وجہ سے علاج کیا گیا۔

سارنگانی میونسپلٹی کے پولیس افسر کیپٹن جیکارجن ویلرین نے کہا کہ زلزلے کے جھٹکے واقعی شدید تھے۔

پولیس افسر کیپٹن جیکارجن ویلرین کے مطابق وہ اور ان کے ساتھی جزیرے پر واقع اپنی عمارت سے باہر نکل آئے، جو زلزلے کے مقام سے تقریبا 30 کلومیٹر جنوب مشرق میں واقع ہے۔

فلپائن میں زلزلے معمول کی بات ہے کیونکہ یہ ملک بحرالکاہل کے “رنگ آف فائر” کے ساتھ واقع ہے، جو شدید زلزلے کے ساتھ ساتھ آتش فشاں سرگرمی کا ایک حصہ ہے جو جاپان سے جنوب مشرقی ایشیا اور بحرالکاہل کے طاس میں پھیلا ہوا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں