چین کے دارالحکومت بیجنگ میں دسمبر 1951 میں ریکارڈ شروع ہونے کے بعد سے اب تک کا سرد ترین دسمبر رہا ہے۔
برطانوی خبر رساں ادارے کی خبر کے مطابق چین اس موسم سرما میں پہلے ہی انتہائی سرد موسم کی متعدد لہروں کی زد میں آ چکا ہے، اور اس مہینے بیجنگ میں درجہ حرارت ریکارڈ منفی 10 سینٹی گریڈ سے نیچے گر گیا ہے۔
چھ ماہ قبل بیجنگ میں جون کا گرم ترین دن صرف 40 ڈگری سینٹی گریڈ ریکارڈ کیا گیا تھا۔
چین کی سرکاری خبر رساں ایجنسی کے مطابق بیجنگ میں موسم کی ایک آبزرویٹری نے حال ہی میں دو ہفتوں میں 300 گھنٹے سے بھی کم درجہ حرارت ریکارڈ کیا ہے۔
چین بھر میں سردی کی شدت نے صوبوں کو متاثر کیا ہے، کچھ علاقوں میں انتظامیہ اسکول بند کرنے پر مجبور ہیں اور نقل و حمل کی خدمات کو مشکلات کا سامنا ہے۔
مسلسل سرد موسم نے صوبہ ہینان میں توانائی کی فراہمی کو دباؤ میں ڈال دیا ہے اور اطلاعات ہیں کہ کچھ ہیٹنگ بوائلرز ٹوٹ گئے ہیں۔
دریں اثنا، شمالی جاپان کے کچھ حصوں میں بھاری برفباری ہوئی ہے جو سال کے اس وقت کے لئے معمول کی مقدار سے کہیں زیادہ ہے۔
گزشتہ چند دنوں کے دوران کچھ علاقوں میں شدید برفباری کا الرٹ جاری کیا گیا ہے، جاپان کے گیفو اور ہوکائیڈو علاقے میں تقریبا ایک میٹر برف باری ہوئی ہے۔
کورین میٹرولوجیکل ایڈمنسٹریشن (کے ایم اے) کے مطابق، حالیہ ہفتوں میں جنوبی کوریا میں درجہ حرارت میں 16 سینٹی گریڈ سے منفی 12 سینٹی گریڈ تک انتہائی غیر معمولی تبدیلی آئی ہے۔
سرد لہر کی ایک ممکنہ وجہ پولر ورٹیکس میں کمزوری ہے جو سرد ہوا کا ایک حصہ ہے جو عام طور پر آرکٹک کے ارد گرد بیٹھتا ہے جس کی وجہ سے ہوا معمول سے کہیں زیادہ جنوب کی جانب بڑھ سکتی ہے۔
تاہم سائنس دانوں کے درمیان اس بارے میں بحث جاری ہے کہ موسمیاتی تبدیلی اس میں کیا کردار ادا کرتی ہے۔
