غیر مصدقہ اطلاعات کے مطابق عالم اسلام کی اہم اور قابل احترام شخصیت مسجد اقصیٰ کے سابق امام اسرائیلی بمباری میں شہید ہو گئے ہیں۔

تفصیلات کے مطابق سوشل میڈیا پر گردش کرنے رپورٹ کے مطابق سابق امام مسجد اقصیٰ اور فلسطین کے وزیر برائے مذہبی امور شیخ یوسف سلامہ اسرائیلی فضائی حملے میں شہید ہو گئے ہیں۔

ایک ویب سائٹ کے مطابق سابق وزیر اوقاف و مذہبی امور اور مسجد اقصیٰ کے مبلغ شیخ یوسف سلمہ کو آج صبح غزہ کی پٹی میں المغازی پناہ گزین کیمپ میں ان کے گھر پر اسرائیلی فضائی حملے میں شہید کر دیا گیا۔

⚡️Minister of Endowments and former preacher of Al-Aqsa, Sheikh Yusuf Salama, was martyred in an Israeli bombing in the central Gaza Strip. pic.twitter.com/zHCt30blOc

— War Monitor (@WarMonitors) December 31, 2023

اسرائیلی جنگی طیاروں نے شیخ سلمہ کے گھر کو نشانہ بنایا جس کے نتیجے میں ان کا قتل اور ان کے خاندان کے متعدد افراد زخمی ہوگئے۔

شیخ یوسف سلامہ کی شہادت کے حوالے سے فلسطینی حکام کی جانب سے تصدیق نہیں کی ہے۔

ابتدائی اعداد و شمار کے مطابق غزہ پر 7 اکتوبر سے شروع ہونے والے اسرائیلی حملے کے نتیجے میں 21 ہزار 650 سے زائد فلسطینی شہید اور 56 ہزار کے قریب زخمی ہوئے ہیں۔ ہزاروں افراد اب بھی لاپتہ ہیں جن میں سے 70 فیصد بچے اور خواتین ہیں۔