سعودی ولی عہد محمد بن سلمان سے کینیڈا کے وزیراعظم جسٹن ٹروڈو نے فون پر گفتگو کی ہے۔
عرب میڈیا کے مطابق سعودی ولی عہد محمد بن سلمان سے کینیڈا کے وزیراعظم جسٹن ٹروڈو نے فون پر گفتگو کی جس میں دونوں رہنماؤں نے سیکیورٹی اور دو طرفہ تعلقات سمیت مختلف شعبوں میں فروغ پر تبادلہ خیال کیا۔
سمو #ولي_العهد يتلقى اتصالاً هاتفياً من رئيس الوزراء الكندي، جرى خلاله استعراض العلاقات الثنائية بين المملكة وكندا، وسبل تطويرها في مختلف المجالات، كما تم بحث عدد من الموضوعات ذات الاهتمام المشترك، وتطورات الأحداث وتداعياتها الأخيرة والجهود المبذولة بشأنها لتحقيق الأمن… pic.twitter.com/XmJxYgwUix
— واس الأخبار الملكية (@spagov) January 9, 2024
رپورٹ کے مطابق دونوں رہنماؤں نے خطے میں سلامتی اور استحکام کو یقینی بنانے کے لیے کی جانے والی کوششوں کا بھی جائزہ لیا۔
رپورٹ میں کہا گیا ہے کہ دونوں رہنماؤں نے غزہ کی سنگین انسانی صورتحال پر بھی تبادلہ خیال کیا اور شہریوں کے تحفظ سمیت اسرائیلیوں اور فلسطینیوں کے لیے دیرپا امن کو محفوظ بنانے کی ضرورت پر بھی بات کی۔
I spoke with Crown Prince Mohammed bin Salman today. We discussed the dire humanitarian situation in Gaza – and the need to protect civilians and secure lasting peace for Israelis and Palestinians. More here: https://t.co/jFG4nOZRz7
— Justin Trudeau (@JustinTrudeau) January 9, 2024
علاوہ ازیں رہنماؤں نے غزہ میں جاری سنگین انسانی صورتحال پر اپنی گہری تشویش کا اظہار کیا۔
رپورٹ میں مزید کہا گیا ہے کہ انہوں نے بین الاقوامی انسانی قانون، متاثرہ علاقوں تک رسائی اور شہریوں کے تحفظ کی ضرورت پر زور دیتے ہوئے علاقائی سلامتی کے مضمرات اور کشیدگی میں کمی کی کوششوں پر بھی بات کی۔
