آج ہم آپ کو دنیا کے ایک ایسے امیر ترین خاندان کے بارے میں بتائیں گے جن کے پاس سب کچھ بھی بے حساب ہے۔
ایک معروف ویب سائٹ کے مطابق دنیا کا امیر ترین خاندان دبئی کا النہیان شاہی خاندان ہے جس کی دولت کا اندازہ لگانے کے لیے عام کیلکولیٹر کے بجائے کمپیوٹر کی مدد لینا پڑے گی۔
النہیان شاہی خاندان کے پاس دنیا کے تیل کے ذخائر کا تقریبا چھ فیصد حصہ ہے، مانچسٹر سٹی فٹ بال کلب اور گلوکارہ ریحانہ کے بیوٹی برانڈ فینٹی اور ایلون مسک کے اسپیس ایکس میں اس خاندان کے حصص ہیں۔
ویب سائٹ کی ایک رپورٹ میں کہا گیا ہے کہ دبئی کا النہیان شاہی خاندان جس کے پاس 12 ہزار کروڑ سے زائد روپے کا صدارتی محل ہے جس کا سائز تین پینٹاگون کے سائز جتنا ہے۔
اس خاندان کی ملکیت میں آٹھ نجی جیٹ طیارے اور ایک مقبول فٹ بال کلب ہے جو خود دنیا کا امیر ترین فٹ بال کلب ہے۔
متحدہ عرب امارات کے صدر شیخ محمد بن زید النہیان، جنہیں ان کے نام ایم بی زیڈ کے نام سے بھی جانا جاتا ہے اس امیر ترین خاندان کے سربراہ ہیں اور ان کے 18 بھائی اور 11 بہنیں ہیں۔ اماراتی شاہی خاندان کے نو بچے اور اٹھارہ پوتے پوتیاں بھی ہیں۔
ابوظہبی کے حکمران کے چھوٹے بھائی شیخ حماد بن حمدان النہیان کے پاس 700 سے زائد گاڑیاں ہیں جن میں دنیا کی سب سے بڑی ایس یو وی کے ساتھ ساتھ پانچ بگٹی ویرونز، ایک لیمبورگینی ریونٹن، ایک مرسڈیز بینز سی ایل کے جی ٹی آر، ایک فراری 599 ایکس ایکس اور ایک میک لارن ایم سی 12 شامل ہیں۔
یہ خاندان ابوظہبی کے قصر الوطن صدارتی محل میں رہتا ہے، جو متحدہ عرب امارات میں اس طرح کے متعدد محلات میں سے سب سے بڑا ہے۔ تقریبا 94 ایکڑ رقبے پر پھیلے اس بڑے گنبد والے محل میں ساڑھے تین لاکھ کرسٹل سے بنا فانوس ہے اور اس میں قیمتی تاریخی نوادرات رکھے گئے ہیں۔
صدر کے بھائی تہنون بن زید النہیان خاندان کی سب سے بڑی سرمایہ کاری کمپنی کے سربراہ ہیں جس کی مالیت میں گزشتہ پانچ سالوں میں تقریبا 28 ہزار فیصد اضافہ ہوا ہے۔ اس وقت کمپنی کی مالیت 235 ارب ڈالر ہے اور یہ زراعت، توانائی، تفریح اور سمندری کاروبار کی مالک ہے اور ہزاروں افراد کو روزگار فراہم کرتی ہے۔
متحدہ عرب امارات کے علاوہ دبئی شاہی خاندان پیرس اور لندن سمیت دنیا بھر میں لگژری جائیدادوں کا مالک ہے۔ خاندان کے سابق سربراہ کو برطانیہ کے انتہائی پوش علاقوں میں ان کی ملکیت کی وسیع اقسام کی وجہ سے “لندن کا زمیندار” کا لقب دیا گیا تھا۔
2015 میں نیویارکر کی ایک رپورٹ کے مطابق دبئی کے شاہی خاندان کے اثاثے برطانوی شاہی خاندان کے مساوی تھے۔
2008 میں ایم بی زیڈ کے ابوظہبی یونائیٹڈ گروپ نے برطانیہ کی فٹ بال ٹیم مانچسٹر سٹی کو 6300 کروڑ سے زائد روپے میں خریدا تھا۔ کمپنی سٹی فٹ بال گروپ کے 81 فیصد کی مالک ہے جو مانچسٹر سٹی، ممبئی سٹی، میلبورن سٹی اور نیو یارک سٹی فٹ بال کلب بھی چلاتی ہے۔
