مصنوعی ذہانت کا ایک اور منفی پہلو سامنے آ گیا، بائیڈن کا جعلی روبو کال نے ووٹروں کو نیو ہیمپشائر پرائمری انتخابات نہ کرنے کا حکم دے دیا۔
تفصیلات کے مطابق امریکی صدر جو بائیڈن کی جانب سے جعلی روبو کال کے ذریعے ووٹروں پر زور دیا گیا ہے کہ وہ منگل کو نیو ہیمپشائر میں ہونے والے پرائمری انتخابات میں شرکت نہ کریں۔
ان جعلی کالز کی تحقیقات شروع کر دی گئی ہیں جن کے بارے میں شبہ ہے کہ انہیں مصنوعی طور پر تیار کیا گیا تھا۔
یہ واضح نہیں ہے کہ آڈیو کس نے بنائی ہے۔ ٹرمپ کی انتخابی مہم نے اس میں ملوث ہونے کی تردید کی ہے۔
نیو ہیمپشائر کے اٹارنی جنرل کے دفتر سے جاری ہونے والے ایک بیان میں کہا گیا ہے کہ اگرچہ روبو کال میں آواز صدر بائیڈن کی آواز کی طرح لگتی ہے لیکن ابتدائی اشارے کی بنیاد پر یہ پیغام مصنوعی طور پر تیار کیا گیا ہے۔
بیان میں مزید کہا گیا ہے کہ یہ پیغامات منگل کے روز ہونے والے انتخابات میں خلل ڈالنے کی ایک غیر قانونی کوشش معلوم ہوتی ہے اور رائے دہندگان کو اس پیغام کے مواد کو مکمل طور پر نظر انداز کرنا چاہیے۔
وصول کنندگان کے مطابق یہ روبو کالز ریاست کی ڈیموکریٹک پارٹی کی سابق سربراہ کیتھی سلیوان کے ذاتی موبائل فون نمبر سے موصول ہو رہی ہیں جو نیو ہیمپشائر میں بائیڈن کے حامی سیاسی گروپ کو چلانے میں مدد کرتی ہیں۔
