پاکستان سپر لیگ (پی ایس ایل) کے نویں ایڈیشن میں پشاور زلمی کے اوپنر صائم ایوب نے منفرد کارنامہ سرانجام دیدیا۔
گزشتہ روز راولپنڈی کرکٹ اسٹیڈیم میں کھیلے گئے میچ میں پشاور زلمی کے کپتان بابراعظم نے پارٹ ٹائم بولر صائم ایوب کو پہلا اوور دیا اور انہوں نے حیران کن طور پر پہلی ہی گیند پر اسلام آباد یونائیٹڈ کے جارح مزاج بلے باز الیکس ہیلز کو بولڈ کردیا۔
اسی طرح صائم ایوب نے اسلام آباد یونائیٹڈ کے ایک اور جارح مزاج اوپنر کولن منرو سے پہلے ایک چھکا اور ایک چوکا کھایا لیکن اسی اوور میں ان کی وکٹ بھی حاصل کرکے میزبان ٹیم کی مشکلات میں مزید اضافہ کردیا۔
Gone first ball 😲
Middle stump rattled 🎯 Saim Ayub spins a web of magic! 🕸️ #HBLPSL9 | #KhulKeKhel | #IUvPZ pic.twitter.com/QCVYAi1inP— PakistanSuperLeague (@thePSLt20) March 4, 2024
پشاور زلمی کے بولر صائم ایوب نے مجموعی طور پر اپنے دو اوورز میں دو وکٹیں حاصل کرکے 15 رنز دیے تھے تاہم ابتدائی بلے بازوں کی ناکامی کے سبب پشاور زلمی کو اس میچ میں 29 رنز کی شکست کا سامنا کرنا پڑا تھا۔
پشاور زلمی کے نوجوان اوپنر صائم ایوب پی ایس ایل کی تاریخ کے پہلے کھلاڑی ہیں جنہوں نے پہلی گیند پر وکٹ حاصل کی، اس سے قبل کوئی کھلاڑی یہ کارنامہ سرانجام نہیں دے سکا تھا۔
واضح رہے کہ پشاور زلمی کو میچ میں شکست ہوئی، جس کے بعد پوائںٹس ٹیبل پر 7 میچوں میں 3 فتوحات کے ہمراہ 7 پوائنٹس ہیں اور چوتھی پوزیشن پر موجود ہے۔
