بھارت کے دارالحکومت دہلی سمیت مختلف شہروں میں شدید گرمی کی لہر جاری ہے اور پارہ 45 سے تجاوز کر گیا ہے۔

دارالحکومت دہلی سمیت شمالی بھارت شدید گرمی کی لپیٹ میں ہے اور ہفتے کے آخر میں درجہ حرارت 45 ڈگری سینٹی گریڈ سے تجاوز کر گیا ہے۔

اتوار کو دہلی کے نجف گڑھ ضلع میں درجہ حرارت 47.8 ڈگری سینٹی گریڈ ریکارڈ کیا گیا، جو اس موسم میں ملک میں سب سے زیادہ ہے۔

محکمہ موسمیات نے کہا ہے کہ گرمی کا سلسلہ اس ہفتے بھی جاری رہنے کا امکان ہے۔

شدید گرمی ایسے وقت میں سامنے آئی ہے جب بھارت میں عام انتخابات ہو رہے ہیں، جن کے نتائج کا اعلان 4 جون کو کیا جائے گا۔

بھارت میں موسم گرما جو مارچ سے ستمبر تک ہوتا ہے عام طور پر گرم اور مرطوب ہوتا ہے۔

بھارتی محکمہ موسمیات (آئی ایم ڈی) نے کہا ہے کہ اس سال ملک میں طویل اور زیادہ شدید ہیٹ ویو کا سامنا کرنے کا امکان ہے۔

آج دہلی اور اس کے گردونواح کے 10 مقامات پر درجہ حرارت 45 ڈگری سینٹی گریڈ سے تجاوز کر گیا، جس میں دہلی اور پڑوسی ریاستوں اتر پردیش، ہریانہ اور راجستھان کے کچھ اضلاع شامل ہیں۔

آئی ایم ڈی نے پیش گوئی کی ہے کہ پیر اور منگل کے دوران دہلی اور دیگر شمالی شہروں میں زیادہ سے زیادہ درجہ حرارت 45-46 ڈگری سینٹی گریڈ کے آس پاس رہنے کا امکان ہے۔

آئی ایم ڈی نے اگلے کچھ دنوں میں مغربی اور وسطی ہندوستان کے کچھ حصوں میں تازہ گرمی کی پیش گوئی بھی کی ہے۔

ہیٹ ویو کی زد میں آنے والی کئی بھارتی ریاستوں میں بھی اس ہفتے انتخابات ہونے جا رہے ہیں۔