برطانوی وزیر اعظم رشی سوناک نے انتخابات میں شکست کی ذمے داری قبول کرلی۔
بین الاقوامی خبررساں ادارے کے مطابق برطانوی وزیر اعظم رشی سوناک نے میڈیا سے گفتگو کے دوران کہا کہ انتخابات میں شکست کی ذمے داری لیتاہوں ، بادشاہ چارلس کواستعفیٰ پیش کرنے جا رہا ہوں۔
رشی سوناک کا کہنا تھا کہ میں تسلیم کرتا ہوں ہم ڈیلیورنہیں کرپائے، برطانوی عوام نے ووٹ کے ذریعے غصے کا اظہار کیا۔ جلد پارٹی عہدے سے دستبردار ہو جاؤں گا۔
انہوں نے مزید کہا کہ انتخابات میں اپنی شکست کوقبول کرتاہوں اور اسٹارمر کو جیت پر مبارکباد پیش کرتا ہوں۔ مخالفین کی کامیابی پوری قوم کی کامیابی ہے۔
