برطانیہ کی وزارت خارجہ نے روس کو بیلسٹک میزائلوں کی منتقلی کے معاملے پر ایرانی ناظم الامور کو طلب کر لیا ہے۔
وزارت خارجہ کی جانب سے جاری بیان میں کہا گیا ہے کہ آج یورپی شراکت داروں کے ساتھ تعاون اور سیکریٹری خارجہ کی ہدایت پر لندن میں ایرانی سفارت خانے کے ناظم الامور کو دفتر خارجہ، دولت مشترکہ اور ترقیاتی دفتر میں طلب کیا گیا۔
برطانوی حکومت اس بات پر واضح تھی کہ روس کو بیلسٹک میزائلوں کی کسی بھی منتقلی کو خطرناک کشیدگی کے طور پر دیکھا جائے گا اور اسے اہم جواب کا سامنا کرنا پڑے گا۔
