شہر قائد کے علاقے ڈیفنس میں پولیس اور وکلاء کے درمیان تنازع کے بعد وکلاء کی بڑی تعداد نے احتجاج شروع کر دیا۔
ایف آئی آر درج نہ ہونے کے خلاف وکلاء نے ڈیفنس موڑ کو بند کر دیا، جس سے شہر کے مختلف حصوں میں ٹریفک کی روانی شدید متاثر ہوئی۔
احتجاج کے باعث ڈیفنس موڑ، قیوم آباد اور کورنگی روڈ پر بدترین ٹریفک جام کی صورتحال پیدا ہو گئی، جس کے نتیجے میں گاڑیوں کی طویل قطاریں لگ گئیں اور شہریوں کو شدید مشکلات کا سامنا کرنا پڑ رہا ہے۔
وکلاء برادری نے مطالبہ کیا کہ ان کے کیس کا فوری طور پر ایف آئی آر درج کیا جائے تاکہ معاملے کا جلد حل نکالا جا سکے۔
