سابق وفاقی وزیر شیخ رشید نے کہا ہے کہ پاکستان کو بیرونی طاقت سے نہیں ملک کے اندر سے خطرہ ہے۔
سماجی رابطے کی ویب سائٹ پر اپنے ایک پیغام میں شیخ رشید نے کہا ہے کہ آج سے اہم سیاست شروع ہونے جارہی ہے اور آئندہ 100 دن میں حکومت کے کو الیکشن شیڈول سے گزرنا ہوگا۔
آج سےاہم سیاست شروع ہونےجارہی ہے۔100دن میں حکومت کےہنی مون کو الیکشن شیڈول سےگزرنا ہوگا۔حکومت کی کوئی ساکھ نہیں۔UAE نےپیسے واپس منگوا لیے۔سعودی عرب میں آرمی چیف کی وجہ سےمددمل سکتی ہے،ان کی وجہ سےنہیں۔77وزراء 165لگثری گاڑیاں اورچارٹر جہاز کےلیے پیسےہیں،آٹےکے تھیلے کے لیے پیسےنہیں
— Sheikh Rashid Ahmed (@ShkhRasheed) January 9, 2023
انہوں نے کہا ہے کہ غریب اور مقروض کا کوئی ملک دوست نہیں ہوتا اسے استعمال کیا جاتا ہے تاہم ملک بچانے کا فیصلہ شفاف الیکشن کریں گے۔
انہوں نے مزید کہا کہ یو اے ای نے پیسے واپس منگوا لیے ہیں تاہم سعودی عرب میں آرمی چیف کی وجہ سے مددمل سکتی ہے ان کی وجہ سے نہیں اور ملک میں معاشی اور سیاسی عدم استحکام صوبائی یکجہتی کے لیے بھی خطرہ ہے۔
یہ بھی پڑھیں: عمران خان نے 13 جماعتوں کی سیاست ختم کر دی ہے ، شیخ رشید
شیخ رشید نے کہا ہے کہ وفاق کے پاس 77 وزراء کی 165 لگثری گاڑیاں اور چارٹر جہاز کے لیے پیسے ہیں لیکن آٹے کے تھیلے کے لیے پیسےنہیں ہیں اور وزیر خزانہ نے 6 ارب ڈالر کمرشل اکاؤنٹ کا حوالہ دے کر فارن اکاؤنٹ ہولڈروں کوخوف زدہ کردیا ہے۔
خیال رہے کہ گزشتہ روز سربراہ عوامی مسلم لیگ شیخ رشید احمد نے کہا ہے کہ 100 دنوں میں الیکشن شیڈول دینا ہوگا ورنہ تباہی ہے۔
2وقت کی روٹی کےلیے پہلی شہادت میرپورخاص میں ہو گئی ہےاب مہنگائی کی جگہ ٹھکائی مارچ ہو سکتا ہےزرمبادلہ کےذخائر4.5ارب ڈالررہ گئےجو20روزسےکم کاامپورٹ ہے9ماہ کی تباہی اورڈیفالٹ سےبچنےکاروڈمیپ چاہیے76رکنی کابینہ ایک آٹےکاتھیلانہیں دےسکی100دنوں میں الیکشن شیڈول دیناہوگا ورنہ تباہی ہے
— Sheikh Rashid Ahmed (@ShkhRasheed) January 8, 2023
سماجی رابطے کی ویب سائٹ ٹوئٹر پر اپنے جاری کردہ بیان میں شیخ رشید نے کہا کہ 76 رکنی کابینہ ایک آٹے کا تھیلا نہیں دے سکی، آٹے کی قلت اور غریب ایک ایک لقمے کے لیے ترس گیا ۔
یہ بھی پڑھیں: عمران خان کھمبے کو بھی ٹکٹ دے گا تو وہ جیتے گا ، شیخ رشید
