وزیراعظم نے جنیوا کانفرنس کی شاندار کامیابی پر شراکت داروں اور اقوام متحدہ کا دل کی گہرائیوں سے شکریہ ادا کیا ہے۔
سماجی رابطے کی ویب سائٹ پر اپنے ایک پیغام میں وزیراعظم شہباز شریف نے عالمی برادری سے اظہار تشکر کرتے ہوئے کہا ہے کہ جنیوا کانفرنس میں ہمدردی کے اظہار نے بےحد متاثر کیا ہے۔
A big thank you to Heads of states & governments, European Union, our development partners & United Nations for making Resilient Pakistan Conference a resounding success. UN Secretary General has shown stellar leadership all along. People of Pakistan will forever remain grateful. https://t.co/ADaejx5oUU
— Shehbaz Sharif (@CMShehbaz) January 10, 2023
انہوں نے کہا کہ کل دنیا نے دیکھ لیا کہ مصیبت زدہ انسانیت کو مسائل سے نکالنے کے لئے قومیں کس طرح اکھٹا ہوکر یکجہتی کا اظہار کرتی ہیں۔
یہ بھی پڑھیں؛ سیلاب سے پاکستان کو 30 ارب ڈالر کا نقصان ہوا، وزیراعظم
انہوں نے مزید کہا کہ جنیوا کانفرنس میں عالمی برادری نے شراکت داری کا بےمثال نمونہ پیش کیا ہے ، اجتماعی کوششیں زندگیوں اور امیدوں کو دوبارہ روشن کریں گی۔
The world witnessed yesterday how the nations can come together in a show of solidarity to create a model of win-win partnership to lift suffering humanity out of tragedy. I was deeply moved by the compassion on display at Geneva Conference. Together we will rebuild lives & hopes
— Shehbaz Sharif (@CMShehbaz) January 10, 2023
وزیراعظم کا کہنا تھا کہ سیکریٹری جنرل اقوام متحدہ نے اس حوالے سے بے مثال لیڈرشپ کا مظاہرہ کیا، پاکستان کے عوام ہمیشہ شکر گزار رہیں گے۔
عالمی برادری کا پاکستان کے لیے 10ارب ڈالر کی امداد کا اعلان
سیلاب متاثرین کے لیے جنیوا میں ہونے والی ڈونر کانفرنس میں عالمی برادری نے پاکستان کے لیے اربوں ڈالر امداد کا اعلان کردیا۔
عالمی اداروں اور ممالک نے پاکستان کو 10 ارب 57 کروڑ ڈالر امداد دینے کا اعلان کردیا جس میں اسلامی ترقیاتی بینک کے 4.2 ارب ڈالر اور عالمی بینک کے دو ارب ڈالر شامل ہیں۔
یہ بھی پڑھیں: بلوم برگ نے پاکستانی معیشت پر تازہ رپورٹ جاری کردی
دوسری جانب سعودی عرب نے پاکستان کے لیے 1 ارب ڈالر امداد دینے کا اعلان کیا۔ امریکا کی جانب سے 100 ملین ڈالر کا اعلان کیا گیا۔ جرمنی پاکستان کو مزید 89 ملین یورو فراہم کرے گا اور چین کی طرف سے مزید 10 کروڑ ڈالر گرانٹ دینے کا اعلان سامنے آیا ہے جب کہ دیگر ممالک کی جانب سے بھی لاکھوں ڈالر دینے کا اعلان کیا گیا ہے۔
