سابق وزیر داخلہ شیخ رشید کا کہنا ہے کہ پیپلز پارٹی ایم کیو ایم کی جنم جنم کی مخالف ہے، ایم کیو ایم الیکشن بائیکاٹ کے ساتھ حکومتی اتحاد سے بھی باہر نکلے۔
سماجی رابطے کی ویب سائٹ ٹوئٹر پر اپنے جاری کردہ بیان میں عوامی مسلم لیگ کے سربراہ شیخ رشید نے کہا کہ شہباز شریف کو بھی اعتماد کا ووٹ لینا ہوگا نوازشریف بھی واپس نہیں آئیں گے، اور ان کی سیاست پر قل پڑھا جائے گا۔
پیپلز پارٹیMQM کی جنم جنم کی مخالف ہےMQMالیکشن بائیکاٹ کےساتھ حکومتی اتحادسےبھی باہرنکلےشہباز شریف کوبھی اعتمادکا ووٹ لیناہوگانوازشریف بھی واپس نہیں آئیں گے اور ان کی سیاست پرقل پڑھاجائے گاکاؤنٹ ڈاؤن شروع 15اپریل تک جنرل الیکشن شیڈول بھی آجائےگاعمران خان نےسیاست کااندازبدل دیا ہے
— Sheikh Rashid Ahmed (@ShkhRasheed) January 15, 2023
عمران خان نے سیاست کا انداز بدل دیا
عوامی مسلم لیگ کے سربراہ نے کہا کہ پی ڈی ایم منہ چھپانے کی بجائے مقابلے کی طرف آئے ورنہ داستان پرینہ بن جائے گی۔
یہ بھی پڑھیں: ملک میں اہم سیاست شروع ہوگئی ہے، شیخ رشید
انہوں نے کہا کہ کاؤنٹ ڈاؤن شروع 15 اپریل تک جنرل الیکشن شیڈول بھی آجائے گا، عمران خان نے سیاست کا انداز بدل دیا ہے۔
زرداری ن لیگ سے پرانا حساب پورا کررہا ہے
سابق وفاقی وزیر نے کہا کہ زرداری ن لیگ سے پرانا حساب پورا کررہا ہے، زرداری ایک کو لندن اور دوسرے کو رائیونڈ چھوڑ کر آئے گا۔
شیخ رشید نے مزید کہا کہ وزیر خزانہ کے بیان کے بعد فارن کمرشل اکاؤنٹ بھی لوگوں نے خالی کرنا شروع کردیے ہیں، ایک طرف آٹے کی لائن ہوگی اور دوسری طرف بینک کے شٹر ڈاؤن ہوں گے۔
