سابق وفاقی وزیر شیخ رشید نے کہا ہے کہ عمران خان کی موجودگی میں 13 پارٹیاں الیکشن لڑنے کیلئے تیار نہیں ہیں۔
سماجی رابطے کی ویب سائٹ پر اپنے ایک پیغام میں عوامی مسلم لیگ کے سربراہ نے دعویٰ کیا ہے کہ عمران خان کو جیل بھیجنے، نااہل کرنے اور جان سے ختم کرنے کی منصوبہ بندی کی جاری ہے۔
محسن نقوی نگران وزیراعلی کی غیرقانونی تعیناتی کےخلاف آج ایڈووکیٹ سرداررازق کےذریعےسپریم کورٹ پیش ہونگااپنی متوقع گرفتاری کےخلاف بھی عدالت جاسکتاہوں۔عمران خان کوجیل بھیجنےنااہل کرنےاورجان سےختم کرنےکی منصوبہ بندی کی جاری ہےعمران خان کی موجودگی میں13پارٹیاں الیکشن لڑنےکےلئےتیارنہیں
— Sheikh Rashid Ahmed (@ShkhRasheed) January 27, 2023
انہوں نے کہا کہ 2 باتیں طے کر لی گئی ہیں کہ صوبے کے الیکشن مرکز کے ساتھ ہونگے اور مائنس عمران کروانے کی کوشش کی جائے گی۔
انہوں نے مزید کہا کہ آئی ایم ایف کا پروگرام کھٹائی میں ہے جبکہ زرمبادلہ ذخائر ساڑھے 3 ارب رہ گئے ہیں جبکہ ڈالر 260 کا ہوگیا ہے اور حکومت حواس بحتہ ہوگئی ہے۔
یہ بھی پڑھیں: 13 جماعتوں کی پی ڈی ایم الیکشن سے بھاگ رہی ہے، شیخ رشید
