سابق وزیراعظم اور چیئرمین پی ٹی آئی عمران خان کی جانب سے آج پاکستان کی عوام سےاہم خطاب کرنے کا فیصلہ کیا گیا ہے۔

تفصیلات کے مطابق پاکستان تحریک انصاف کے چیئرمین عمران خان شام 5 بجے قوم سے براہِ راست مخاطب ہوں گے ۔

اس سے قبل عمران خان نے سماجی رابطے کی ویب سائٹ پر اپنے ایک پیغام میں قرآنی آیت اور اس کا ترجمعہ شیئر کیا ہے ۔

سابق وزیراعظم کی جانب سے شیئر کی جانے والی یہ آیت اور اسکے ترجمعے کے مطابق اہلِ پاکستان کیلئے پیغام و ہدایت ہے کیونکہ انہیں اس ظلم و بربریت کا سامنا ہے جس سے آج پوری قوم گزر رہی ہے۔

خیال رہے کہ تحریک انصاف کے چیئرمین و سابق وزیر اعظم عمران خان سے اسلام آباد، پنجاب اور خیبر پختونخوا پولیس کے اہلکار واپس لے لئے گئے ہیں۔

دوسری جانب سابق وفاقی وزیر اور پاکستان تحریک انصاف کے رہنما شبلی فراز نے کہا تھا کہ عمران خان کی سیکیورٹی واپس لے لی گئی ہے جبکہ سابق وزیراعظم کو قانون کے تحت سیکیورٹی میسر ہوتی ہے۔