سندھ حکومت کی جانب سے بہترین اقدامات کی پیش نظر کراچی کی خواتین کیلئے نئی بس سروس کا آغاز کردیا گیا ہے۔

تفصیلات کے مطابق شہر کراچی میں دفاتر میں خاس طور پر ملازمت پیشہ خواتین کے لئے پنک بس سروس کے نام سے نئی بس سروس کا آغاز کیا گیا ہے جس میں صرف خواتین باحفاظت سفر کر سکتی ہیں۔

اس بس میں لیڈی کنڈٹر موجود ہوں گی اور اس بس کا کرایہ بھی صرف 50 روپے مقرر کیا گیا ہے جو کہ ابتدائی طور پر  ماڈل کالونی ، شاہراہِ فیصل تا ٹاور روٹ پر چلائی جائیگی۔

یہ پنک بس سروس دفتری اوقات میں صبح اور شام کے اوقات میں ہر 20 منٹس کے بعد چلے گی اور دفتری اوقات کے بعد معمول کے اوقات میں ہر ایک گھنٹے کے بعد پنک بس سروس چلے گی۔

پنک بس سروس کی افتتاحی تقریب  سے خطاب کرتے ہوئے ایم ڈی زبیر چنہ کا کہنا تھا کہ پہلے بسوں میں خواتین کے لیے صرف ایک کمپارٹمنٹ ہوتا تھا، اس لیے خواتین کے لیے بھی خواتین کے لیے شروع کیا ہے ۔

اس حوالے سے صوبائی وزیر سعید غنی نے کہا ہے کہ پنک بس سروس سےخواتین کوسفری سہولیات ملیں گی اور بسوں کی تعدادمیں اضافہ کریں گے۔

انہوں نے کہا کہ بس سروس عوام کی پراپرٹی ہے،عوام بسوں کاخیال اپنی ذاتی گاڑی کی طرح کریں۔

یہ بھی پڑھیں: پیپلز بس سروس کو مختصر عرصہ میں بے پناہ مقبولیت حاصل ہوئی ہے، شرجیل انعام میمن