سوات اور گرد و نواح میں زلزلے کے جھٹکے محسوس کئے گئے ہیں۔

تفصیلات کے مطابق سوات اور اس کے قریبی علاقوں میں زلزلے کے جھٹکے محسوس کئے گئے ہیں جس کے باعث علاقہ مکینوں میں خوف و ہراس پھیل گیا ہے۔

اس حوالے سے زلزلہ پیما مرکز کا کہنا ہے کہ ریکٹر اسکیل پر زلزلے کی شدت 4.4 ریکارڈ کی گئی ہے  جبکہ زیر زمین گہرائی 203 کلومیٹر ریکارڈ کی گئی ہے۔

زلزلہ پیما مرکز کے مطابق زلزلے کا مرکز پاک افغانستان، تاجکستان کا سرحدی علاقہ تھا تاہم کوئی جانی نقصان کی اطلاع موصول نہیں ہوئی ہے۔

یہ بھی پڑھیں؛  سوات، مینگورہ اور گردونواح میں زلزلے کے جھٹکے، شدت 5.2 ریکارڈ

خیال رہے کہ ترکیہ اور شام 6 فروری کو شدید زلزلے سے لرز اٹھے، 7.8 شدت کے زلزلے سے ہزاروں عمارتیں زمین بوس ہوگئیں ۔

بین الاقوامی خبر رساں ادارے کی رپورٹ کے مطابق شدید زلزلے کے باعث ترکیہ اور شام میں 21 ہزار سے زائد افراد ہلاک ہوچکے ہیں۔

شدید زلزلے سےترکیہ کے 10صوبے متاثر ہوئے ہیں۔ زلزلے کے جھٹکے قبرص، یونان، اردن اور لبنان میں بھی محسوس کیے گئے۔

ترکیہ میں کم از کم 17 ہزار 674 اور شام میں کم از کم 3 ہزار 337 ہلاکتوں کی تصدیق ہوچکی ہے اور زخمیوں کی تعداد 80 ہزار سے تجاوز کرگئی ہے جبکہ ہلاکتوں میں بڑی تعداد میں اضافے کا خدشہ ظاہر کیا جارہا ہے۔