امیر جماعت اسلامی سراج الحق نے کہا ہے کہ آئی ایم ایف کے حکم پر قیمتوں میں اضافہ ظلم عظیم ہے۔

تفصیلات کے مطابق سماجی رابطے کی ویب سائٹ ٹوئٹر پر امیر جماعت اسلامی سراج الحق نے کہا ہے کہ چھری آئی ایم ایف کی ہے، ہاتھ شہبازشریف کا ہے اور گلا غریب عوام کا کٹ رہا ہے

انہوں نے کہا کہ آئی ایم ایف کے حکم پر نئے ٹیکسوں کا نفاذ اور بجلی پٹرول ڈیزل کی قیمتوں میں اضافہ ظلم عظیم ہے۔

ان کا کہنا تھا کہ ہمارے پاس مذمت کے لیے الفاظ نہیں ہیں۔

یہ بھی پڑھیں؛ اس بار قربانی عوام کو نہیں حکمرانوں کو دینی ہو گی، سراج الحق

امیر جماعت اسلامی سراج الحق نے مزید کہا کہ عوام اس ظالم ٹولے سے نجات کے لیے جماعت اسلامی کا ساتھ دیں۔