وزیراعظم شہبازشریف نے کہا ہے کہ عمران نیازی اپنے احمقانہ عمل سے قوم کو مایوس کررہے ہیں۔

تفصیلات کے مطابق وزیراعظم محمد شہبازشریف نے سماجی رابطے کی ویب سائٹ ٹویٹر پر اپنے ایک پیغام میں کہا کہ عمران خان کی سیاست میں جو واحد چیز رہ گئی ہے وہ یہ ہے کہ وہ کسی بھی طرح اقتدار واپس حاصل کرنے کے خواہاں ہیں، خواہ اس کیلئے ملک ایک لمبے عرصہ کیلئے عدم استحکام کا شکار ہی کیوں نہ ہو جائے۔

وزیراعظم شہباز شریف نے کہا کہ عمران نیازی اپنے احمقانہ اور مضحکہ خیز طرز عمل سے قوم کو مسلسل مایوس کر رہے ہیں، ان کی جھوٹ کی سیاست دن بدن بے نقاب ہوتی جا رہی ہے۔