سابق وزیراعظم اور چیئرمین پی ٹی آئی عمران خان نے آج شام قوم سے اہم خطاب کرنے کا فیصلہ کیا ہے۔

تفصیلات کے مطابق عمران خان آج شام 6 بجے قوم سے اہم ترین خطاب کریں گے ۔

اس حوالے سے مرکزی رہنما پاکستان تحریک انصاف مسرت جمشید چیمہ نے کہا ہے کہ چیئرمین تحریک انصاف عمران آج شام چھ بجے قوم سے اہم خطاب کریں گے۔

انہوں نے کہا کہ ملک میں جس طرح کے حالات پیدا کر دئیے گئے ہیں لگتا ہے قوم کو اپنے حقوق خود ہی چھیننا پڑینگے، تحریک انصاف حقیقی آزادی کیلئے ہر قیمت چکانے کے لئے تیار ہے، کارکنان اور عوام اپنے مستقبل کیلئے ” ابھی نہیں تو کبھی نہیں ”کے جذبے سے تحریک کیلئے تیار رہیں۔

انہوں نے اعتماد کا اظہار کرتے ہوئے کہا ہے کہحریک انصاف کی تیاریاں مکمل ، عمران خان کی کال پر پوری قوم لبیک کہے گی۔

خیال رہے کہ چیئرمین تحریک انصاف کا خطاب میڈیا و سماجی میڈیا پر براہِ راست نشر کیا جائے گا۔