چیئرمین پی ٹی آئی عمران خان نے ساہیوال کی قیادت کو جیل بھرو تحریک پر مبارکباد پیش کی ہے۔

تفصیلات کے مطابق سابق وزیراعظم اور چیئرمین پی ٹی آئی عمران خان نے سماجی رابطے کی ویب سائٹ ٹویٹر پر اپنے ایک پیغام میں کہا کہ اسلام آباد میں آج اپنے فقید المثال استقبال پر میں تحریک انصاف کے کارکنان کا شکریہ ادا کرنا چاہتا ہوں، دھمکیوں اور ہراساں کیے جانے کے باوجود پی ٹی آئی کارکنان کا جذبہ اتنا ہی مضبوط ہے جتنا آج اسلام آباد میں دیکھا۔

چیئرمین پی ٹی آئی عمران خان نے مزید کہا کہ ہمارے بنیادی حقوق بری طرح پامال کرتے ہوئے عوام کو بدترین مہنگائی کے بوجھ تلے کچلنے کیخلاف جیل بھرو تحریک کی صورت میں اپنے پرامن احتجاج کیلئے بڑی تعداد میں نکلنے پر میں ساہیوال کی قیادت اور پوری ٹیم کو مبارکباد پیش کرتا ہوں۔