پاکستان تحریک انصاف (پی ٹی آئی) کے چیئرمین عمران خان نے پی ٹی آئی کے تمام کارکنان کی فوری رہائی کا مطالبہ کردیا ہے۔
سماجی رابطے کی ویب سائٹ ٹوئٹر پر اپنے جاری کردہ بیان میں عمران خان نے کہا ہے کہ اسلام آباد میں فسطائیت اپنے عروج پر ہے جہاں پولیس ہمارے کارکنوں کو پکڑنے کیلئے بغیر وارنٹس گھروں پر چھاپے مار رہی ہے۔
Fascism at unprecedented levels with police in Islamabad raiding homes without warrants to abduct PTI workers. Where the worker is not present, children as young as 10 yrs are picked up. We demand the immediate release of all our workers & their children who have been abducted.
— Imran Khan (@ImranKhanPTI) March 19, 2023
سابق وزیر اعظم نے کہا کہ کارکن گھروں میں موجود نہیں وہاں 10برس تک کے کم سِن بچوں کو اٹھایا جارہا ہے۔
چیئرمین عمران خان نے مزید کہا کہ ہمارے تمام کارکن اور ان کے بچے کو فوراً رہا کیا جائے جنہیں اغوا کیا جا چکا ہے۔
پاکستان تحریک انصاف کے چیئرمین عمران خان کا ٹوئٹ ، جس میں انہوں نے کہا کہ اسلام آباد پولیس کے پر فاشزم کی مثال نہیں ملتی ، اسی کیساتھ عمران خان کا کہنا تھا کہ پی ٹی آئی کارکنوں کے گھروں پر بغیر وارنٹ چھاپے مارکر اغوا کیا جارہا ہے.#BOLNews #ImranKhan@PTIofficial @ImranKhanPTI pic.twitter.com/OgRA5NxzWm
— BOL Network (@BOLNETWORK) March 19, 2023
دوسری جانب پاکستان تحریک انصاف کے مرکزی سیکریٹری جنرل اسد عمر نے پولیس کے پی ٹی آئی رہنماؤں کے خلاف کریک ڈاؤن پر ردعمل دیتے ہوئے کہا کہ اسلام آباد میں بڑے پیمانے پر آپریشن جاری ہے، تحریک انصاف کے ورکرز کی گرفتاریاں اور ان کے گھر والوں کو ہراساں کیا جا رہا ہے، ان کو حضرت علی ؓ کا قول بتاؤ کہ کفر کا نظام چل سکتا ہے، لیکن ظلم کا نظام نہیں۔
بعدازاں پاکستان تحریک انصاف کے رہنما فواد چوہدری نے اپنے بیان میں کہا کہ لاہور اور اسلام آباد میں تحریک انصاف کے سینکڑوں کارکنوں کے گھروں پر چھاپہ مارا گیا، اس وقت تحریک انصاف کے سینکڑوں کارکن پولیس کی تحویل میں ہیں۔
سابق وفاقی وزیر نے مزید کہا کہ پولیس 10 سال کے بچوں کو بھی پکڑ رہی ہے، پولیس نے چادر چار دیواری کا تقدس پامال کیا اور عورتوں پر تشدد کیا۔
واضح رہے کہ اسلام آباد پولیس نے پاکستان تحریک انصاف کے مرکزی رہنماؤں اور کارکنان کے خلاف کریک ڈاؤن شروع کر دیا تاہم پی ٹی آئی رہنماؤں اور کارکنوں کے گھروں پر پولیس نے چھاپہ مار کارروائیاں شروع کردیں۔
تمام تھانوں کے ایس ایچ اوز کو کارکنان کی گرفتاری کا ٹارگٹ مل گیا، آج ہر تھانے کا ایس ایچ او اپنی کارگردگی رپورٹ پیش کرے گا۔
تحریک انصاف کے یونین کونسل کے امیدوار پینلز کے تمام ممبران کو گرفتار کرنے کا حکم دیا گیا ہے، ایس ایچ اوز اپنی ریڈ میں گرفتار کارکنان کی تعداد اعلیٰ افسران کو بتائیں گے۔
