امیر جماعت اسلامی سراج الحق نے کہا ہے کہ جماعت اسلامی کا الیکشن میں روایتی سیاسی اشرافیہ سے مقابلہ ہوگا۔
تفصیلات کے مطابق امیر جماعت اسلامی سراج الحق نے اپنے ایک بیان میں کہا کہ دو خاندانوں کی پارٹیوں کو بار بار ڈرائی کلین کرکے مسند اقتدار پربٹھایا گیا، آئندہ الیکشن میں ظالم ومظلوم میں مقابلہ ہوگا، جماعت اسلامی کا الیکشن میں روایتی سیاسی اشرافیہ سے مقابلہ ہوگا۔
انہوں نے کہا کہ منصفانہ الیکشن کے لیے لیول پلیئنگ فیلڈ ضروری ہے، ملک پر سالہاسال مسلط رہنے والی پارٹیوں نے لوٹ مار کی، کارکن قوم کو حکمران پارٹیوں کے کرتوتوں سے آگاہ کریں، الیکشن مہم میں تیزی لائیں۔
امیر جماعت اسلامی سراج الحق نے مزید کہا کہ پورے ملک میں قومی و صوبائی اسمبلیوں کی نشستوں پر امیدورا دیں گے، پڑھی لکھی نوجوان قیادت کو بھرپور مواقع فراہم کیے جائیں گے۔
8 فروری 2024 کوعام انتخابات کا نوٹیفکیشن جاری
الیکشن کمیشن نے8 فروری 2024 کوعام انتخابات کا نوٹیفکیشن جاری کردیا، عام انتخابات کا اعلان الیکشن ایکٹ کے سیکشن 57 کے تحت کیا گیا۔
سپریم کورٹ نے 90 دن میں انتخابات کیلئے دائر درخواستیں نمٹا دیں جس کے بعد الیکشن کمیشن نے سپریم کورٹ کے احکامات کی روشنی میں الیکشن کمیشن نے صدرمملکت سے مشاورت کے بعد متفقہ طورپرآٹھ فروری دوہزارچوبیس کو عام انتخابات کرانے کا فیصلہ کیا۔
قومی اسمبلی اور چاروں صوبائی اسمبلیوں کے انتخابات آٹھ فروری کوکرائے جائیں گے جس کا الیکشن کمیشن کی جانب سے باضابطہ طور پرنوٹیفکیشن جاری کردیا گیا۔ الیکشن کمیشن نے انتخابات کے سیشکن 57 کے تحت آئندہ عام انتخابات کرانے کا نوٹفکیشن جاری کیا ہے۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
