نگراں وزیرِ اعظم انوار الحق کاکڑ ازبکستان کا دو روزہ سرکاری دورہ مکمل کرکے اسلام آباد پہنچ گئے ہیں۔

وزیر اعظم آفس میڈیا ونگ سے جاری بیان کے مطابق نگراں وزیر اعظم نے تاشقند میں 16 ویں اقتصادی تعاون تنظیم کےسربراہی اجلاس میں شرکت کی اور اس سے خطاب بھی کیا۔

نگراں وزیر اعظم نے دورے کے دوران ازبکستان کے صدر شوکت مرزایوف،ای سی او کے سیکرٹری جنرل خسرو نوزیری،آذربائیجان کے صدر الہام علیوف سمیت عالمی رہنمائوں سے ملاقاتیں بھی کیں۔

خوش ہوں کہ ای سی او کا اگلا سیکریٹری جنرل پاکستان سے ہوگا، نگراں وزیراعظم

تاشقند میں اقتصادی تعاون تنظیم کے 16ہویں اجلاس سے خطاب کرتے ہوئے نگراں وزیراعظم انوارالحق کاکڑنے کہا کہ  ای سی اوکے16سربراہی کانفرنس میں پاکستان کی نمائندگی کرنااعزازہے، ای سی او ممبرممالک معدنی وسائل سے مالامال ہیں۔

وزیراعظم انوارالحق کاکڑنے کہا کہ اقتصادی تعاون تنظیم خطےکی ترقی کےلیےاہم فورم ہے، خطے میں تجارتی سرگرمیوں سے ہی ترقی ممکن ہے، ای سی اوریجن میں مزیدسرحدی اورتجارتی راہداریوں کی ضرورت ہے۔

انوارالحق کاکڑنے کہا کہ ای سی اوممالک کےدرمیان تجارتی راہداریاں اہم کرداراداکررہی ہیں، خوش ہوں کہ ای سی او کا اگلا سیکریٹری جنرل پاکستان سے ہوگا۔

اجلاس کے دوران وزیراعظم انوارالحق کاکڑ نے غزہ میں جاری اسرائیلی جارحیت کی مذمت کرتے ہوئے مظالم رکوانے کا بھی مطالبہ کیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں