اسلام آباد: پاک افغان سرحد پر باڑ لگانے کا 2 فیصد ماندہ کام کیوں روکا گیا؟ اس حوالے سے وزارت داخلہ کا تحریری جواب سینیٹ کے اجلاس میں پیش کر دیا گیا ہے۔
تفصیلات کے مطابق وزارت داخلہ کے تحریری جواب میں بتایا گیا ہے کہ پاک افغان سرحد پر 98 باڑ کی تنصیب کا کام مکمل کر لیا گیا ہے، خطرات کے باجود کوشش کی جا رہی ہے کہ باقی باڑ کو لگانے کا کام بھی مکمل کیا جائے۔
تحریری جواب میں وزارت داخلہ نے بتایا کہ پاک افغان سرحد پر باڑ لگانے کا 2 فیصد ماندہ کام تنازعات کی وجہ سے روک دیا گیا ہے۔
وزارت داخلہ کے تحریری جواب میں بتایا گیا کہ تقسیم شدہ دیہات کی وجہ سے کام روکا گیا، مسئلہ دو طرفہ بات چیت سے حل کیا جا رہا ہے۔
تحریری جواب میں مزید کہا گیا کہ معاملہ مشترکہ کورڈننشن کمیٹی میں زیر بحث ہے، اس وقت تمام روایتی راستے اور غیر قانونی لراسنگ بند کیے گئے ہیں۔
