ایران کے صدر ابراہیم رئیسی کے دورہ پاکستان پر امریکہ کی جانب سے ردعمل سامنے آ گیا ہے۔
ترجمان امریکی محکمہ خارجہ میتھیو ملر نے پریس بریفنگ کے دوران پاک ایران تجارتی معاہدوں پر ردعمل دیتے ہوئے کہاکہ ایران کے ساتھ تجارتی معاہدوں پر پابندیوں کا خطرہ ہو سکتا ہے، تجارتی معاہدوں پر غور کرنے والوں کو ممکنہ پابندیوں کے خطرے سے آگاہ رہنے کا مشورہ دیتے ہیں۔
ترجمان امریکی محکمہ خارجہ کہا کہ امریکا پاکستان کی سب سے بڑی برآمدی منڈیوں میں سے ایک ہے، اپنی شراکت داری کو جاری رکھنے کے منتظر ہیں۔
واضح رہے کہ ایران کے صدر اہراہیم رئیسی سرکاری دورے پر پاکستان آئے ہوئے ہیں ، آج وہ لاہور و کراچی میں مصروف دن گزاریں گے اور اہم ملاقاتیں بھی کرینگے۔
