اسلام آباد: وزیر دفاع خواجہ محمد آصف نے کہا ہے کہ 2022 سے کاروبار حکومت میں پارٹنر ہیں، نفع آپ کا اور نقصان عوام کا، کیا آپ لیکچر یا دھمکی دینے کا حق رکھتے ہیں۔
خواجہ آصف نے ایکس پر جاری اپنے پیغام میں کہا کہ بلاول صاحب آپ نے سسٹم ری سیٹ کی بات کی، کوئی سسٹم عوامی تائید کے بغیر ری سیٹ نہیں ہو سکتا، سیاست دانوں کا احتساب کوئی نئی بات نہیں، کوئی سیاستدان احتساب سے مبرا نہیں۔
انہوں نے کہا کہ سیاسی لوگوں کو عوام سے رجوع کرنے کے طریقہ کار کو چور دروازہ نہیں کہنا چاہیے، سیاستدانوں کی اساس عوامی رائے ہے، پارلیمنٹ میں بحث پر کوئی قدغن نہیں۔
وزیر دفاع کا کہنا تھا کہ سسٹم ری سیٹ پر پارلیمنٹ میں بحث ضرور ہوگی مگر عوام کو بنیادی حق سے محروم نہیں کیا جا سکتا، پارلیمنٹ کے ساتھ عوام کی رائے بھی جان لی جائے تو یہ legitimacy کی معراج ہوگی۔
بلاول صاحب آپ نے سسٹم ری سیٹ کی بات کی لیکن کوئی سسٹم اس وقت تک ری سیٹ نہیں ہو سکتا جب تک اُسے عوامی تائید حاصل نہ ھو/اگر آپ system collapse کی بات کر رہے ہیں تو ہم سب کا اس سسٹم سے منسلک ہونے کے ناطے اپنی ذمہ داریوں کا احاطہ بھی ضروری ہے۔ اس ملک میں سیاست دانوں کا احتساب نہ تو کوئی نئی بات ہے اور نہ کوئی سیاستدان احتساب سے مبرا ہے۔ آپکی پریس کانفرنس یقیناً بہت دھواں دار تھی اور موجودہ حکومت اور نظام پر تنقید پر مرکوز رہی لیکن احترام کے ساتھ یہ کہوں گا کہ ہم سیاسی لوگوں کو عوام سے رجوع کرنے کے طریقہ کار کو چور دروازہ نہیں کہنا چاہیے۔ ہم سیاستدانوں کی اساس عوامی راۓ ہے۔ عوامی استصوابِ رائے کے ساتھ پارلیمان کے اندر بحث مباحثے پر کوئی قدغن نہیں۔ یقیناً “System Reset” کے معاملے پر پارلیمان میں بحث ضرور ہوگی لیکن اس کے ساتھ عوام کو ان کے بنیادی حق سے محروم نہیں کیا جا سکتا۔پارلیمنٹ کے ساتھ اگر عوام کی راۓ کوبھی جان لیا جاۓ تو میرے خیال legitimacy کی معراج ھو گی
۔بلاول صاحب آپکے پاس سندھ کی حکومت
18سال سے ھے۔ سندھ جنت بن گیا ھے۔ کراچی شہر کی حالت پہ دنیا رشک کرتی ھے۔ plmn کے آپ 2022سے کاروبار حکومت میں پارٹنر ھیں۔ نفع آپکا اور نقصان plmn کا یا پاکستان کا ۔
He who claims equity must come with clean hands.
یہ صدیوں پرانا equity کا maxim ھے. کیا آپ کے ھاتھ صاف ھیں۔ کیا آپ لیکچر یا دھمکی دینے کا حق رکھتے ھیں۔
ھمارا مقصد صرف ایک ھے – پاکستان کے عوام کے دن بدلیں عام آدمی عزت کی زندگی گزارے۔ حکمرانی میں عوام کی شراکت کو حقیقت بنائیں حکمرانوں کی طاقت عوام کی امانت ھے کسی کی میراث نہیں ، عوام کے حقوق آئین کی کتاب تک مجدود نہ رکھیں۔پاکستان کی تاریخ میں سفارتی محاذ اور جنگ کے محاذ پر عزت اور تکریم اللہ کی مہربانی سے کس دور میں ملی اور کس دور میں وطن کا نام روشن ھوا۔ ان دو محاذوں پہ فتح کے بعد اب حکمرانی گلی محلے کی سطح پہ منتقل کرنے کی جنگ ھے جسمیں عوام کی راۓ اور پارلیمنٹ کا رول عین جمہوری اور آئینی ھے۔ حکمرانی کسی کی اجارہ داری نہیں،25کروڑ عوام کو یہ حق اللہ نے عطا کیا ھے۔
— Khawaja M. Asif (@KhawajaMAsif) November 18, 2026
خواجہ آصف نے کہا کہ بلاول صاحب آپ کے پاس سندھ کی حکومت 18 سال سے ہے، کراچی کی حالت پر دنیا رشک کرتی ہے، 2022 سے کاروبار حکومت میں پارٹنر ہیں، نفع آپ کا اور نقصان عوام کا، جو انصاف کا دعویٰ کرے اس کے ہاتھ صاف ہونے چاہئیں، کیا آپ لیکچر یا دھمکی دینے کا حق رکھتے ہیں۔
انہوں نے مزید کہا کہ ہمارا مقصد صرف ایک ہے، پاکستان کے عوام کے دن بدلیں اور عام آدمی عزت کی زندگی گزارے، حکمرانوں کی طاقت عوام کی امانت ہے، کسی کی میراث نہیں، حکمرانی کسی کی اجارہ داری نہیں، 25 کروڑ عوام کو یہ حق اللہ نے عطا کیا ہے۔

















