ہائی ہیل کا نام لیتے ہی خواتین ذہن میں آتی ہیں جنہیں فیشن کی خاطر ہیل والے جوتے پہننا ہرحال میں ہی پسند ہے چاہے کمر، پاؤں یا ٹانگوں میں درد کی تکلیف کا سامنا کر نا پڑے۔
آج ہم آپ کو ایک ایسے جرمن شخص کے بارے میں بتا رہے ہیں جس نے سرخ رنگ کے خواتین کے ہائی ہیل والے جوتے پہن کر 100 میٹر دوڑ لگائی اور عالمی کارنامہ اپنے نام کر لیا۔
گنیز ورلڈ ریکارڈز کے مطابق آندرے اورٹولف نامی اس شخص نے 12.42 سیکنڈز میں ہائی ہیل پہن 100 میٹر کا مقررہ فاصلہ طے کرکے اپنا ریکارڈ بنایا۔
گنیز ورلڈ ریکارڈز کے مطابق اس سے قبل یہ ریکارڈ رواں سال کرسچن رابرٹو نامی ہسپانوی شخص نے ہائی ہیل پہن کر 12.82 سیکنڈز میں 100 میٹر کا فاصلہ طے کرکے اپنے نام کیا تھا۔
