نیشنل اسٹیڈیم کراچی میں چیمپئنز ٹرافی کی میزبانی کے لیے افتتاحی تقریب کی تیاریاں عروج پر ہیں۔

اسٹیڈیم میں داخل ہونے کے مختلف راستوں پر شہریوں کا رش دیکھنے کو مل رہا ہے، جہاں کرکٹ کے شائقین کی بڑی تعداد اسٹیڈیم پہنچ چکی ہے۔

شہریوں کو اسٹیڈیم میں داخل ہونے کے لیے اصل شناختی کارڈ دکھانے کی ہدایت دی گئی ہے۔

اسٹیڈیم میں داخل ہونے کے لیے عوام کو کسی قسم کی پیچیدگی کا سامنا نہیں ہوگا، اور وہ آسانی سے اپنی شناخت کے ذریعے تقریب میں شریک ہو سکیں گے۔

نیشنل اسٹیڈیم کی افتتاحی تقریب کا باقاعدہ آغاز شام 7 بجے ہوگا، جس میں مختلف اہم شخصیات اور کرکٹ کی معروف شخصیات شرکت کریں گی۔

چیئرمین پاکستان کرکٹ بورڈ (پی سی بی) محسن نقوی بھی نیشنل اسٹیڈیم پہنچ چکے ہیں، جبکہ وزیراعلیٰ سندھ، گورنر سندھ، سابق کرکٹرز اور دیگر اہم شخصیات اس تقریب میں شرکت کے لیے اسٹیڈیم میں موجود ہوں گے۔

افتتاحی تقریب کے دوران شائقین کرکٹ کو رنگا رنگ پروگرامز اور شاندار لائٹس شو کا بھی سامنا ہوگا، جو اس موقع کو مزید یادگار بنا دے گا۔