جاپانی وزیر اعظم کے دورہ متحدہ عرب امارات کے موقع پر اماراتی خلا باز نے خلا سے ٹوکیو کی تصویر شیئر کردی ہے۔
جاپانی وزیر اعظم ان دنوں متحدہ عرب امارات کے دورے پر ہیں جب کہ مملکت میں ان کا استقبال امارات کے وزیر صنعت و جدید ٹیکنالوجی ڈاکٹر سلطان بن احمد الجابر نے کیا۔
اس موقع پر متحدہ عرب امارات کے خلا باز سلطان النیادی نے خلاء سے ٹوئٹ کیا جس میں انہوں نے خلا سے ٹوکیو کی تصویر شیئر کی۔
Hello and こんにちは to all our friends from #Japan.
I am sharing this photo of the Japanese capital #Tokyo on the occasion of the Prime Minister of Japan's visit to the UAE 🇦🇪🇯🇵.
Today marks a historic milestone for both nations. With the signing of strategic agreements… pic.twitter.com/iRAB8xx0d9
— Sultan AlNeyadi (@Astro_Alneyadi) July 17, 2023
تصویر شیئر کرتے ہوئے خلاباز سلطان النیادی نے لکھا کہ جاپان کے وزیر اعظم کے یو اے ای کے دورے کے موقع پر جاپانی دارالحکومت ٹوکیو کی تصویر شیئر کررہا ہوں۔
انہوں نے کہا کہ آج کا دن دونوں ممالک کے لیے ایک تاریخی سنگ میل ہے، جاپانی شراکت داروں کے درمیان اسٹریٹجک معاہدوں پر دستخط کے ساتھ، ہم ایک منفرد مستقبل کی راہ ہموار کررہے ہیں۔
انہوں نے ٹوئٹ میں مزید لکھا کہ جاپان میرے دل میں ایک خاص مقام رکھتا ہے اور میں اپنے مشن کی تیاریوں کے دوران وہاں گزارے شاندار دن کبھی نہیں بھولوں گا۔
