مقبوضہ مغربی کنارے میں اسرائیلی فوج کی فائرنگ سے 2 فلسطینی شہید جبکہ متعدد زخمی ہوگئے۔
فلسطینی میڈیا کی رپورٹ کے مطابق اسرائیلی فوج کی جانب سے ایک زخمی شخص کو لے جانے کی کوشش کرنے والے نوجوانوں پر جان بوجھ کر فائرنگ کی گئی۔
فائرنگ کا واقعہ جنین شہرمیں پیش آیا ۔
اسرائیلی فوج نے مسجد کے مینارکو بھی فائرنگ کا نشانہ بنایا ۔
اسرائیلی فوج غزہ میں کھلے عام جنگی قوانین کی خلاف ورزی کرتے ہوئے رہائشی عمارتوں، اسکولوں اور اسپتالوں کو مسلسل نشانہ بنارہی ہے جس میں بڑی تعداد میں بچے شہید ہورہے ہیں۔
گزشتہ روز اسرائیلی بمباری سے مزید 250 فلسطینی شہید ہوئے تھے جبکہ مجموعی طور پر شہید ہونے والوں کی تعداد نو ہزار سے تجاوز کر گئی ہے۔
گزشتہ روز جبالیہ پناہ گزین کیمپ پر اسرائیلی حملوں میں 195 سے زائد افراد شہید ہوئے تھے جبکہ 700 سے زائد زخمی ہوئے اور 120 افراد تاحال لاپتہ ہیں۔
اسرائیلی فوج کی جانب سے النصر اسٹریٹ پر بیکری کے سامنے جمع افراد پر بم گرایا گیا، امدادی کارروائیوں کے لیے جمع افراد اور ایمبولینسز پر بھی میزائلوں سے حملہ کیا گیا جس میں بڑی تعداد میں اموات ہوئیں۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
