بھارتی ریاست بہار میں ہندوتوا دہشت گردوں نے گوشت کی دکان کے مالک کو دن دیہاڑے گولیاں مار کر قتل کردیا۔
کشمیر میڈیا سروس کی رپورٹ کے مطابق بھارتی ریاست بہار میں موٹر سائیکل پر سوار ہندوتوا دہشت گردوں نے افروز کھتری نامی شخص کو دن دیہاڑے گولیاں مار کر قتل کردیا۔
رپورٹ کے مطابق مقتول مظفر پور کے علاقے رام باغ چوک میں ایک مٹن کی شاپ چلایا کرتا تھا جب کہ دہشت گردوں نے اسے دکان جاتے وقت نشانے بنایا۔
واقعے کی ایک ویڈیو بھی وائرل ہوئی جس میں موٹر سائیکل سوار افراد کو افروز پر گولیاں چلاتے ہوئے دیکھا جاسکتا ہے جب کہ واقعے سے علاقے میں شدید خوف و ہراس پھیل گیا۔
Graphic Warning ⚠️
In Bihar's Muzaffarpur Watch the live video footage of the murder that took place early in the morning and tell, is it Janta-Raj or Jungle-Raj? pic.twitter.com/otnxxzMgwI
— هارون خان (@iamharunkhan) December 27, 2023
مقتول کے رشتہ دار عالم نے خبر رساں ادارے کو بتایا کہ افروز کی مسجد چوک میں مٹن کی دکان تھی۔ وہ گھر سے اپنی دکان کی طرف جا رہا تھا کہ دو حملہ آوروں نے اسے گھیر لیا اور گولیاں مار دیں۔
رپورٹ میں مزید کہا گیا ہے کہ مقتول کے لواحقین اور رشتہ داروں نے لاش کو سڑک پر رکھ کر شدید احتجاج کرتے ہوئے انصاف کی فراہمی کا مطالبہ کیا ہے۔
