اسرائیل کی درندگی تھم نہ سکی، غزہ میں زندگی دم توڑنے لگی۔
بین الاقوامی ذرائع ابلاغ کے مطابق صیہونی فوج کےوحشیانہ حملےجاری ہیں ، 24 گھنٹوں کےدوران 104 فلسطینی شہید اور 160 سے زائد زخمی ہوگئے۔
ذرائع کے مطابق 7 اکتوبر سے غزہ پر اسرائیلی حملوں میں کم از کم شہداکی مجموعی تعداد 32 ہزار کے قریب پہنچ گئی۔
مغربی کنارے کےشہر جنین میں گاڑی پر میزائل حملہ کیاگیا، اسلامی جہاد کےکمانڈر سمیت 3 فلسطینیوں نے جام شہادت نوش کی، جن کے جنازے میں ہزاروں افراد نے شرکت کی۔
غزہ شہر کے الشفاء ہسپتال پر اسرائیل کا چھاپہ اور آپریشن چوتھے روز میں داخل ہو گیا ہے جس میں درجنوں فلسطینی شہید اور زخمی ہوگئے۔
اس حوالے سے اسرائیلی وزیر اعظم بینجمن نیتن یاہو نے ایک بار پھر امریکا سے کہا ہے کہ حماس کو شکست دینے تک غزہ میں جنگ جاری رہے گی۔
