جنوبی امریکا کے ملک ایکواڈور کی سب سے کم عمر خاتون میئر کو نا معلوم افراد نے فائرنگ کرکے ہلاک کردیا۔
بین الاقوامی ذرائع ابلاغ کے مطابق 27 سالہ ’’بریجیٹ گارسیا ‘‘جو کہ ساحلی شہر ’’سان ونسنٹ ‘‘ کی میئر تھیں، انہیں صبح کے وقت فائرنگ کا نشانہ بنایا گیا۔
ابتدائی رپورٹ کے مطابق خاتون میئر اپنے کمیونیکیشن ڈائریکٹر جائیرو لور کے ساتھ کرائے کی کار میں سوار تھیں تاہم پولیس کا ابتدائی تحقیقات میں کہنا ہے کہ فائرنگ گاڑی کے اندر سے کی گئی، جبکہ کیس کی مزید تفتیش کا آغاز کردیا گیا ہے
