پاکستان کی ابھرتی ہوئی اداکارہ عروبہ مرزا نے بتادیا کہ وہ کب شادی کرنے والی ہیں۔

حال ہی میں اپنے دیے گئے ایک انٹرویو میں اداکارہ عروبہ مرزا نے شوبز سمیت اپنی ذاتی زندگی پر بھی کھل کر بات کی۔

انہوں نے بتایا کہ انہوں جب پہلی بار منفی کردار کیا تو انہیں ہر بار منفی کرداروں کی پیشکش ہوئی اور وہ خود بھی سمجھتی ہیں کہ ان کے لیے منفی کردار کرنا اچھا ہے۔

ان کا کہنا تھا کہ انہوں نے تین ڈراموں میں مثبت کردار کیے، جس میں سے ایک ڈراما نشر نہیں ہوا، دوسرے کی شوٹنگ نہیں ہوئی اور تیسرے ڈرامے میں ان کے مثبت کردار کو پسند نہیں کیا گیا۔

عروبہ مرزا نے کہا کہ انہیں منفی کرداروں میں زیادہ پسند کیا جاتا ہے اور انہیں بھی لگتا ہے کہ انہیں ہمیشہ ایسے ہی کردار ادا کرنے چاہئیے۔

شادی سے متعلق کیے گئے سوال پر اداکارہ کا کہنا تھا کہ ان سے متعلق خبریں پھیلائی جاتی ہیں کہ وہ شادی شدہ ہیں، زیادہ تر لوگوں کو بھی لگتا ہے کہ ان کی شادی ہوچکی لیکن حقیقت میں ایسا نہیں۔

انہوں نے بتایا کہ گزشتہ برس انہوں نے منگنی کی تھی اور منگنی کی تقریبات اتنی زیادہ اور بڑی تھیں کہ لوگوں کو لگا کہ شاید ان کی شادی ہے۔

یہ بھی پڑھیں: اداکارہ عروبہ مرزا نے منگنی کرلی، تصاویر وائرل

اداکارہ عروبا مرزا کے مطابق انہوں نے شادی نہیں کی اور فوری طور پر ان کا ایسا کوئی ارادہ نہیں لیکن جب بھی کریں گی تو وہ دھوم دھام سے کریں گی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں