متنازع بیانات سے شہرت حاصل کرنے والی بالی ووڈ اداکارہ کنگنا رناوت نے کہا ہے کہ ان کی بالی ووڈ خانز یعنی سلمان، شاہ رخ اور عامر خان سے ذاتی لڑائی نہیں ہے۔

حال ہی میں اپنی آنے والی فلم کی تشہیر کے دوران انٹرویو میں اداکارہ کنگنا رناوت کا کہنا تھا کہ انہوں نے ہمیشہ صرف اس بات کی نشاندہی کی ہے کہ بالی ووڈ خانز کی فلموں میں خواتین کے کرداروں کو نہ صرف غیر اہم کردار دیا جاتا ہے بلکہ انہیں مختصر بھی رکھا جاتا ہے۔

انہوں نے کہا کہ وہ بالی ووڈ خانز اور ان کی ہیروئنز کے درمیان عمر کے فرق پر بات کرتی رہی ہیں، عام طور پر ان کی ہیروئنز بننے والی اداکارائیں کچھ ہی سال میں فلموں میں ماں کے کردار میں دکھائی دیتی ہیں۔

ان کا کہنا تھا کہ ان کا سلمان، شاہ رخ اور عامر سمیت بالی ووڈ کے کسی بھی خان سے کوئی ذاتی مسئلہ یا لڑائی نہیں ہے بلکہ وہ کام کے سلسلے میں ان کے حوالے سے بات کرتی رہتی ہیں۔

اداکارہ کنگنا رناوت کے مطابق اب بالی ووڈ میں کچھ تبدیلیاں ہوئی ہیں اور خانز کی ہیروئنز 35 سے 40 سال کی عمر کی اداکارائیں کاسٹ کی جا رہی ہیں۔

واضح رہے کہ کنگنا رناوت کی فلم ’تیجاس‘ جلد ریلیز ہوگی، جس میں وہ انڈین فورس کی اہلکار کے روپ میں دکھائی دیں گی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں