بالی ووڈ کی معروف اداکار جوڑی اجے دیوگن اور کاجول کی شادی کو آج 25 سال مکمل ہوگئے ہیں۔
حال ہی میں اداکارہ کاجول نے سوشل میڈیا کی فوٹو اینڈ ویڈیو شیئرنگ ایپ انسٹاگرام پر شوہر اجے دیوگن کے ہمراہ چند تصاویر پوسٹ کیں۔
شیئر کی گئی تصاویر میں اس جوڑی کو کالے رنگ کے لباس میں ساتھ بیٹھے دیکھا جاسکتا ہے جبکہ دونوں کے چہروں پر مسکراہٹ بھی واضح ہے۔
اداکارہ نے تصاویر کے کیپشن میں لکھا کہ “آپ سب کی نیک تمناؤں اور محبتوں کا بہت بہت شکریہ”، جبکہ کاجول نے تصاویر اجے دیوگن کو ٹیگ بھی کیں۔
کاجول کی پوسٹ پر بالی ووڈ فنکاروں اور مداحوں کی جانب سے جوڑے کے لئے نیک خواہشات کا اظہار کیا جارہا ہے۔
واضح رہے کہ اداکار اجے دیوگن نے ساتھی اداکارہ کاجول سے 24 فروری کو 1999 میں شادی کی تھی، اس جوڑی کے دو بچے بیٹی نیسا اور بیٹا یوک دیوگن ہیں۔
