بالی ووڈ اسٹار سلمان خان کے بھائی و اداکار ارباز خان کی نئی ویڈیو نے مداحوں کے دل جیت لیے ہیں۔
حال ہی میں اداکار ارباز خان کی ایک ویڈیو سوشل میڈیا پر خوب وائرل ہورہی ہے جس میں اُن کو ایک ضرورت مند خاتون کی مدد کرتے ہوئے دیکھا جاسکتا ہے۔
سوشل میڈیا پر وائرل ہونے والی اس ویڈیو میں دیکھا جاسکتا ہے کہ ارباز خان سڑک پر موجود ایک ضرورت مند خاتون کو پیسے دے رہے ہیں جبکہ وہ خاتون اداکار کی طرف دیکھ کر مسکرا رہی ہیں۔
اس موقع پر ارباز خان کی اہلیہ شورا خان کو بھی دیکھا جاسکتا ہے۔
یہ ویڈیو سوشل میڈیا پر تیزی سے وائرل ہوگئی جبکہ مداحوں کی جانب سے اس پر مختلف تبصروں کا سلسلہ جاری ہے۔
