اپنی شادی کے متعلق سوشل میڈیا پر گردش کرنے والی افواہوں پر ردعمل ظاہر کرتے ہوئے اداکارہ ادیتی راؤ حیدری نے خاموشی توڑ دی ہے۔
اداکارہ ادیتی راؤ حیدری نے 28 مارچ کو سوشل میڈیا پر اداکار سدھارتھ کے ساتھ اپنے رشتے کی صورتحال کو واضح کرتے ہوئے بتایا کہ ان کی منگنی ہوگئی ہے۔
ادیتی نے اپنے سوشل میڈیا پلیٹ فارمز پر ایک تصویر پوسٹ کی جس میں دونوں کے ہاتھ میں منگنی کی انگوٹھیاں دکھائی دے رہی ہیں جبکہ تصویر کے کیپشن میں لکھا ہے، “اس نے ہاں کہا! E. N. G. A. G. E. D.”
خیال رہے کہ 27 مارچ کو کئی ذرائع نے یہ خبر دی کہ ادیتی اور سدھارتھ شادی کے بندھن میں بندھ گئے ہیں جبکہ شادی کی تقریب تلنگانہ کے ایک مندر میں ہوئی۔
