بالی ووڈ کی معروف جوڑی دیپیکا پڈوکون اور رنویر سنگھ کے گھر ننھی پری کی آمد ہوئی ہے۔

حال ہی میں نامور اداکارہ دیپیکا پڈوکون نے سوشل میڈیا کی فوٹو اینڈ ویڈیو شیئرنگ ایپ انسٹاگرام پر اپنی پہلی بیٹی کی پیدائش کی اطلاع دی۔

پوسٹ کے مطابق رنویر اور دیپیکا کے ہاں بیٹی کی پیدائش 8 ستمبر کو ہوئی۔

اداکارہ کی پوسٹ پر فنکاروں اور مداحوں کی جانب سے جوڑے کو مبارکباد دی جارہی ہے۔

واضح رہے کہ رنویر اور دیپیکا پڈوکون کی شادی 2018 میں اٹلی میں ایک پُروقار تقریب میں ہوئی تھی، رواں سال فروری میں جوڑی نے اعلان کیا تھا کہ اُن کے ہاں ستمبر میں پہلے بچے کی پیدائش متوقع ہے۔