آج ہم آپکو بتائیں گے کہ کمر درد کے بارے میں کب پریشان ہونا چاہیے۔
ایک حالیہ تحقیق کے مطابق نچلی کمر کا درد تقریباً 6 ہفتوں میں ختم ہو جاتا ہے لیکن جب درد طویل عرصے تک برقرار رہے تو اس کا علاج رفتا رفتا انتہائی مشکل ہوجاتا ہے۔
جی ہاں، ماہرین کی ایک بین الاقوامی ٹیم نے 95 سابق مطالعات کا جائزہ لیا جس میں انہوں نے 6 ہفتے، 12 ہفتے اور 12 ہفتوں سے زائد کمر کے نچلے حصے میں ہورہے درد کا موازنہ کیا۔
ماہرین کے مطابق کمر میں لگی چوٹ ٹھیک ہونے کے بعد بھی کمر کا درد برقرار رہ سکتا ہے کیونکہ ایسی صورت میں درد کا تعلق جسم کے درد کے نظام کی حساسیت سے منسلک ہوتا ہے نہ کہ چوٹ سے۔
ان کا کہنا تھا کہ جب آپ کو کمر کا درد کچھ مہینوں تک رہتا ہے تو آپ ٹھیک ہو سکتے ہیں لیکن ایک بار جب آپ کو کئی مہینوں تک کمر کا درد رہے تو ٹھیک ہونے کے امکانات بہت کم ہوجاتے ہیں۔
خیال رہے کہ کمر میں درد دنیا کے عام ترین جسمانی امراض میں سے ایک ہے اور دنیا کے ہر 5 میں سے 4 افراد کو زندگی میں کسی وقت اس کا سامنا ہوتا ہے۔
عام طور پر یہ درد پسلی سے نیچے شروع ہوتا ہے اور نیچے تک پھیلتا ہوا محسوس ہوتا ہے جو کہ کافی تکلیف دہ ہوتا ہے۔
کمر میں اچانک یا بہت شدید تکلیف کی صورت میں کسی ڈاکٹر یا فزیکل تھراپسٹ سے رجوع کیا جانا چاہیے۔
