پاکستان کرکٹ بورڈ نے پاکستان جونیئر لیگ کے تمام کھلاڑیوں اور آفیشلز کے زیر التواء واجبات کی ادائیگی کر دی ہے۔
میڈیا رپورٹس کے مطابق پاکستان کرکٹ بورڈ (پی سی بی) کی انتظامی کمیٹی کے رکن شکیل شیخ کی تصدیق کے مطابق اکتوبر 2022 میں منعقد ہونے والی پاکستان جونیئر لیگ (پی جے ایل) کے افتتاحی ایڈیشن کے تمام شرکاء کے زیر التواء واجبات کی ادائیگی کر دی گئی ہے۔
انتظامی کمیٹی کے رکن شکیل شیخ نے اپنے ایک ٹوئٹ میں ان ادائیگیوں کی تصدیق کرتے ہوئے کہا کہ رمیز راجہ نے بڑے پیمانے پر 4.3 ملین ڈالرز کے بقایا جات چھوڑے اور اپنے لیے ایک بلٹ پروف کار خریدی۔
Great news!
Ramiz’s messy financial backlog of Pak Jr League (PJL) is cleared.
New PCB admin u/@najamsethi has made payments to all foreign/local players & mentors.
As he bought a bullet-proof car 4 himself, Ramiz left behind massive outstanding payments and $ 4.3 mln losses.— Shakil Shaikh (@shakilsh58) January 17, 2023
رپورٹس کے مطابق اوور سیز کھلاڑیوں کو واجب الادا رقم کا صرف 70 فیصد ادا کیا گیا اور مقامی کھلاڑیوں کو پی سی بی سے ان کی کمائی نہیں ملی۔
یہ بھی پڑھیں : پی سی بی، سابق کھلاڑیوں کی پنشن میں ایک لاکھ روپے کا اضافہ
پی سی بی کی نئی انتظامی کمیٹی نے نجم سیٹھی کے بورڈ کی سربراہی میں واپس آنے کے بعد پی جے ایل کو ختم کرنے کا فیصلہ کیا تھا۔
پی سی بی کے سابق چیئرمین رمیز راجہ صرف ایک سیزن کے بعد پی جے ایل کو ختم کرنے کے فیصلے سے خوش نہیں تھے اور کہا تھا کہ پی جے ایل کو انتقامی سیاست کا نشانہ بنایا گیا۔
پی سی بی پاکستان جونیئر لیگ کے بجائے جونیئر کھلاڑیوں کے لیے ہوم اور اوے سیریز کا انعقاد کا فیصلہ کیا ہے اور بورڈ کے اعلیٰ حکام کے درمیان پاکستان سپر لیگ کی ابھرتی ہوئی کیٹیگری میں انڈر 19 کھلاڑیوں کو شامل کرنے کے بارے میں بات چیت ہوئی۔
یاد رہے کہ بہاولپور رائلز نے پی جے ایل کا پہلا اور واحد ایڈیشن جیتا تھا اور باسط علی کو شاندار بلے بازی پر ٹورنامنٹ کا بہترین کھلاڑی قرار دیا گیا تھا۔
