بھارت میں دو دن کے دوران نجی مسافر ایئر لائن کے دو بھارتی پائلٹوں کی موت واقع ہو گئی۔

تفصیلات کے مطابق انڈیگو کے ایک کپتان کو ناگپور سے پونے جانے والی پرواز چلانی تھی اور جب وہ بے ہوش ہو گیا تو وہ بورڈنگ گیٹ پر پہنچ گیا تھا۔ اسے فوری طور پر اسپتال لے جایا گیا جہاں اسے مردہ قرار دے دیا گیا۔

 جبکہ قطر ایئرویز کے ایک پائلٹ کو کل ایک پرواز میں دل کا دورہ پڑا

انڈیگو کے کپتان کو ناگپور سے پونے جانے والی پرواز چلانی تھی اور جب وہ بورڈنگ گیٹ تک پہنچے تو اچانک گر کر بے ہوش ہو گئے اسے اسپتال لے جایا گیا جہاں اسے مردہ قرار دے دیا گیا۔

ذرائع نے بتایا کہ پائلٹ نے کل صبح 3 بجے سے 7 بجے کے درمیان تریوندرم سے ناگپور براستہ پونے تک دو سیکٹر چلائے تھے۔ ان کے پاس 28 گھنٹے آرام تھا اور انہیں آج چار سیکٹروں میں پرواز کرنی تھی۔ انہوں نے دن کی پہلی روانگی کی اطلاع دی تھی، جو دوپہر ایک بجے طے تھی.

انڈیگو ایئر لائن کی جانب سے جاری ایک بیان میں کہا گیا ہے کہ ہم ناگپور میں اپنے ایک پائلٹ کے انتقال پر افسردہ ہیں۔ وہ ناگپور ہوائی اڈے پر بیمار ہو گئے اور انہیں فوری طور پر اسپتال لے جایا گیا جہاں بدقسمتی سے ان کا انتقال ہو گیا۔

قطر ایئرویز کا پائلٹ گزشتہ روز دہلی سے دوحہ جانے والی پرواز کے مسافر کیبن میں عملے کے اضافی رکن کے طور پر سفر کر رہا تھا جب اسے دل کا دورہ پڑا اور وہ چل بسا۔ اس سے پہلے وہ اسپائس جیٹ، الائنس ایئر اور سہارا کے ساتھ کام کر چکے ہیں۔

ڈائریکٹوریٹ جنرل آف سول ایوی ایشن نے ہلاکتوں کی تصدیق کی ہے۔

خیال رہے کہ چند روز قبل میامی سے چلی جانے والی ایک کمرشل پرواز کے باتھ روم میں ایک پائلٹ کی اچانک گر کر موت واقع ہو گئی تھی جس میں 271 مسافر سوار تھے۔ اتوار کی رات پاناما میں ہنگامی لینڈنگ کی گئی اور کیپٹن ایوان اندور کو ہوائی اڈے پر طبی ماہرین نے مردہ قرار دے دیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں