بھارت میں منعقدہ کیپٹنز ڈے کی تقریب کے دوران قومی ٹیم کے کپتان بابراعظم سے بریانی سے متعلق جب سوال پوچھا تو انہوں نے دلچسپ جواب دیا۔ 

بھارت کے سابق کوچ اور تقریب کے میزبان روی شاستری نے پاکستان کرکٹ ٹیم کے کپتان بابراعظم سے سوال کیا کہ بابر بریانی کیسی تھی؟ جس پر بابراعظم اپنی ہنسی پر قابو نہ رکھ سکے اور جواب دیا کہ ’’ہم 100 مرتبہ بتا چکے ہیں۔

بابراعظم نے جواب میں مزید کہا کہ ’’بریانی کافی اچھی رہی اور حیدرآباد سے متعلق یہ سن رکھا تھا کہ بریانی اچھی ہے، اس لیے ہم نے زیادہ بریانی ہی کھائی اور وہ کھاکر بہت چھا لگا۔

واضح رہے کہ ورلڈ کیپٹنز ڈے پروگرام کے لیے قومی ٹیم کے کپتان حیدر آباد سے خصوصی طیارے میں احمد آباد پہنچے تھے جہاں ان کی بھارتی ٹیم کے کپتان سمیت دیگر ٹیموں کے کپتانوں سے ملاقات بھی ہوئی۔