آئی سی سی ون ڈے ورلڈکپ کے پہلے سیمی فائنل میں بھارت نے کیویز کو شکست دے کر فائنل کے لیے کوالیفائی کیا لیکن نیوزی لینڈ کے کیمپ میں بھارتی کپتان روہت شرما کے ٹاس کے طریقے پر سوالات اٹھنے لگے۔
سماجی رابطے کی سائٹ ٹوئٹر (ایکس) پر ویڈیوز وائرل ہورہی ہیں کہ بھارتی کپتان روہت شرما ٹاس کے دوران سکے کو اتنا دور پھینک دیتے ہیں کہ حریف کے کپتان کو معلوم نہیں چلتا کہ ٹاس کون جیتا ہے جبکہ میچ ریفری بتاتا ہے کہ ٹاس بھارت جیت گیا ہے۔
ورلڈکپ میچز کے دوران بھارتی کپتان کے دیگر ٹیموں کے ساتھ بھی ٹاس کے وقت سکے کو دور پھینکنے کی ویڈیو وائرل ہورہی ہے۔
Very strange the way Rohit Sharma throw the coin at toss, far away, don’t let other Captains to see, compare to other Captains in the WC , any reason?? @BCCI @TheRealPCB @CricketAus @CricketSouthAfrica #sikanderbakht #WorldCup23 #IndiaVsNewZealand @ImRo45 @ICC pic.twitter.com/KxhR2QyUZm
— Sikander Bakht (@Sikanderbakhts) November 15, 2023
سابق پاکستانی کرکٹر سکندر بخت نے نجی ٹی وی کے پروگرام میں یہ سوال اٹھایا تھا کہ بھارت اور نیوزی لینڈ کے درمیان پہلے سیمی فائنل میں ٹاس کے وقت روہت شرما نے سکہ دور کیوں پھینکا؟
سکندر بخت نے کہا جب بھی روہت شرما کو ٹاس کے لیے سکہ تھمایا جاتا ہے وہ سکے کو ہمیشہ دور پھینکتے ہیں تاکہ صرف میچ ریفری نتیجہ دیکھ سکے۔
امریکی نیوز چینل فاکس نیوز نے اپنی ایک رپورٹ میں انکشاف کیا ہے کہ اس حوالے سے کیوی کیمپ میں بھی تشویش کی لہر دوڑ گئی ہے۔
رپورٹ کے مطابق نیوزی لینڈ کیمپ کے ذرائع نے کہا کہ ٹورنامنٹ کے دوران روہت شرما کے ٹاس کے طریقے پر سب سوالات اٹھارہے ہیں۔
