شائقین کرکٹ کا انتظار ختم ہوگیا، پاکستان سپر لیگ (پی ایس ایل ) کے نویں ایڈیشن کا آغاز آج سے لاہور میں ہوگا۔
تفصیلات کے مطابق پاکستان سپر لیگ (پی ایس ایل ) کے نویں ایڈیشن کا افتتاحی میچ آج دفاعی چیمپئن لاہور قلندرز اور دو بار کی سابق چیمپئن اسلام آباد یونائیٹڈ کے درمیان قذافی اسٹیڈیم لاہور میں کھیلا جائے گا۔
میچ سے قبل ساڑھے 6 بجے افتتاحی تقریب منعقد ہوگی جس میں مشہور گلوکار علی ظفر، گلوکارہ آئمہ بیگ، لوک گلوکار عارف لوہار اور نوری بینڈ سمیت دیگر فنکار اپنے فن کا مظاہرہ کریں گے۔
اس کے علاوہ رنگا رنگ افتتاحی تقریب شائقین کے لیے آتش بازی اور لیزر شو کا بھی انعقاد کیا جائے گا۔
Get ready to kick off HBL PSL 9 with a bang! 🎉
Join us for the electrifying grand opening ceremony featuring Ali Zafar, Aima Baig, Noori, Arif Lohar, Leo Twins, and Natasha Baig! 🎶✨
🎆 With fireworks lighting up the sky and a mesmerizing laser show, it's an event you won't… pic.twitter.com/B397RWNbEK
— PakistanSuperLeague (@thePSLt20) February 16, 2024
میچ پاکستانی وقت کے مطابق شام ساڑھے 7 بجے شروع ہوگا۔
یاد رہے کہ پی ایس ایل 9 میں چھہ ٹیموں کے درمیان دو مرحلوں میں 34 میچز کھیلے جائیں گے۔
ایونٹ کا فائنل 18 مارچ کو کراچی کے نیشنل بینک کرکٹ ایرینا (سابقہ نیشنل اسٹیڈیم کراچی) میں کھیلا جائے گا۔
