اسلام آباد: وزیر دفاع خواجہ محمد آصف نے سماجی رابطے کی ویب سائٹ ایکس پر جاری اپنے بیان میں بھارتی وزیر دفاع کو دو ٹوک جواب دیتے ہوئے کہا کہ پہلگام فالس فلیگ آپریشن عالمی سطح پر بے نقاب ہوچکا ہے اور بھارت کا بیانیہ ناکام ہوگیا ہے۔
خواجہ آصف کا کہنا تھا کہ بھارتی بیانات طاقت نہیں بلکہ اسٹریٹجک گھبراہٹ کی عکاسی ہیں۔ بھارت اپنی داخلی کمزوریوں کو چھپانے کے لیے بیرونی محاذ گرم کررہا ہے۔
Repeated rhetoric reflects not strength, but visible strategic anxiety as the anniversary of the staged False Flag Operation in Pahlgam approaches – an episode that failed to withstand international scrutiny and exposed New Delhi’s reliance on manufactured crises.
Such…
— Khawaja M. Asif (@KhawajaMAsif) April 2, 2026
وزیر دفاع نے کہا کہ بے بنیاد الزامات کے ذریعے کشیدگی بڑھانے کی کوشش قابل مذمت ہے۔ انہوں نے یاد دہانی کروائی کہ معرکہ حق کی یاد تازہ ہے اور بھارت غلطی کی قیمت پہلے بھی چکا چکا ہے۔
خواجہ آصف نے واضح کیا کہ پاکستان کا جواب آئندہ زیادہ طاقتور، فیصلہ کن اور بروقت ہوگا۔ ان کا کہنا تھا کہ پاکستان امن کے ساتھ ہے مگر خودمختاری کے دفاع پر کوئی سمجھوتہ نہیں کرے گا۔
وزیر دفاع کہتے ہیں کہ پاکستان مکمل طور پر تیار ہے اور ہر ردعمل سوچ سمجھ کر اور فوری ہوگا۔ انہوں نے خبردار کیا کہ دو ایٹمی طاقتوں کے درمیان جنگ کا تصور بھی تباہ کن ہے۔
خواجہ آصف نے بھارت کو مشورہ دیا کہ وہ اپنے اندرونی اسٹریٹجک و سفارتی بحران پر توجہ دے۔
