پیٹرولیم مصنوعات سے متعلق بڑی خبر آگئی ہے۔
فروری 2024 میں پیٹرولیم مصنوعات کی طلب پانچ ماہ کی کم ترین سطح 1.12 ملین ٹن پر پہنچ گئی، جس کی بنیادی وجہ پیٹرولیم مصنوعات کی قیمتوں میں اضافہ ہے۔
عارف حبیب لمیٹڈ کے مطابق فروری کے مہینے میں سالانہ بنیادوں پر پیٹرولیم مصنوعات کی طلب میں 8 فیصد جبکہ ماہانہ بنیادوں پر 19 فیصد کمی ریکارڈ کی گئی ہے۔
مجموعی طور پر رواں مالی سال کے پہلے8 ماہ جولائی تا فروری کے دوران پیٹرولیم مصنوعات کی طلب 13 فیصد کمی کے ساتھ 10.18 رہ گئی ہے جو کہ گزشتہ سال کے اسی عرصے کے دوران 11.69 ملین ٹن رہی تھی۔
یاد رہے نگران وفاقی حکومت نے جاتے جاتے پیٹرول کی قیمت میں 4 روپے 13 پیسے کا اضافہ کیا تھا، جس کے بعد پیٹرول کی فی لیٹر نئی قیمت 279 روپے 75 پیسے مقرر کردی گئی تھی۔
